தமிழகத்தில் இருந்து இலங்கைக்கு இந்திய இராணுவத் தகவல்கள் அடங்கிய இறுவட்டு ஒன்றுடன் பாகிஸ்தான் தீவிரவாதப்படையை சேர்ந்த ஒருவர் கைது செய்யப்பட்டதைத் தொடர்ந்து, த ஏசியன் ஏஜ்; இந்த செய்தியை வெளியிட்டுள்ளது.

பாகிஸ்தான் அரசாங்கத்தினால் கடந்த 2004ம் ஆண்டு பசீர் வாலி மொஹமட் என்ற முன்னாள் ஐ.எஸ்.ஐ. அதிகாரி ஒருவரை இலங்கைக்கான தமது உயர்ஸ்தானிகராக நியமித்தது.

அவர் இலங்கையில் செயற்பட்டு, தென்னிந்திய செயற்பாடுகள் குறித்து நிரந்தரமாக அவதானிக்கும் பணியை மேற்கொள்ள வேண்டும் என்றே இந்த நியமனம் வழங்கப்பட்டதாக கூறப்படுகிறது.

அவர் நியமிக்கப்பட்ட சில மாதங்களின் பின்னர் தமிழீழ விடுதலைப் புலிகள் அமைப்பு இவரை இலக்கு வைத்து தற்கொலை தாக்குதல் ஒன்றை மேற்கொண்டிருந்தது.

எனினும் சம்பவத்தில் அவரது பாதுகாவலர்கள் மற்றும் பிரதிநிதிகள் 7 பேர் கொல்லப்பட்ட போதும் அவர் உயிர்தப்பினார்.

முன்னாள் பாகிஸ்தானிய ஜனாதிபதி பர்வேஸ் முஷாரப் இலங்கையில் இருந்து தென்னிந்திய செயற்பாடுகளை அவதானிக்கும் பொருட்டே வாலி மொஹமட்டை இலங்கைக்கு அனுப்பியதாக நம்பப்படுகிறது.

அண்மையில் இந்திய இராணுவ தகவல்களுடன் தப்பி வந்த ஒருவர் கைது செய்யப்பட்டதைத் தொடர்ந்து, அவரிடம் மேற்கொள்ளப்பட்ட விசாரணைகள், தம்மிடம் உள்ள தகவல்களை கொழும்பில் உள்ள பாகிஸ்தானிய உயர்ஸ்தானிகரத்திடம் வழங்கவிருப்பதாக குறிப்பிட்டுள்ளார்.

இதன் மூலம் பாகிஸ்தானின் ஐ.எஸ்.ஏ. யின் தென்னிந்திய மற்றும் இந்தியாவுக்கு எதிரான நடவடிக்கைகள் இலங்கையை மையப்படுத்தி இன்னும் தொடர்கிறது என்பது உறுதியாகி இருப்பதாக, த ஏசியன் ஏஜ் தெரிவித்துள்ளது.