கடந்த 11ம் திகதி யாழிலிருந்து வெளியாகும், உதயன் பத்திரிகையின் ஆசிரியர் குற்றப் புலனாய்வுத் துறையினரின் விசாரணைக்குட்படுத்தப்பட்ட சம்பவம் ஊடகங்களில் செய்தியாக வெளியாகியிருந்தது.

இதேபோன்று வலம்புரி பத்திரிகையின் ஆசிரியர் விஜயசுந்தரமும் கொழும்பு நான்காம் மாடிக்கு அழைக்கப்பட்டு விசேட குற்றப்புலனாய்வுத் துறையினரால் பல மணி நேரங்கள் விசாரணைக்கு உட்படுத்தப்பட்டிருக்கின்றார்.

இதன்போது இணையத்தளங்களில் வெளியாகும் செய்திகளை எடுத்து பிரசுரித்தல் மற்றும் அரசாங்கத்திற்கு எதிரான செய்திகளை பிரசுரித்தல் தொடர்பாக கேள்வியெழுப்பபட்டதாக தெரிவிக்கப்படுகின்றது.

இதேவேளை இவ்வாறான விசாரணைகளின் மூலம் அரசாங்கம், ஊடகங்களின் வாயை நிரந்தமாக மூடுவதற்கு முயற்சித்து வருகின்றமை புலனாகின்றது என தெரிவிக்கப்படுகின்றது.

மேலும், தேசிய மட்டத்தில் வெளியாகும் தினக்குரல் பத்திரிகையின் யாழ். பதிப்பில் வெளியாகும் அரசாங்கத்திற்கு எதிரான செய்திகள் தொடர்பாக கொழும்பிலுள்ள அந்த பத்திரிகையின் தலைமையத்துடன் அரசாங்கம் முறைப்பதாக தகவல்கள் வெளியாகியுள்ளன.