யாழ். மாவட்டப் பெண்கள் பாடசாலைகளின் முன்னால், பாடசாலை ஆரம்பிக்கும் மற்றும் முடிவடையும் நேரங்களில் குறிப்பிட்ட இளைஞர்கள் நின்று மாணவிகளுடன் தகாத முறையில் நடந்து கொள்வதாக ஊடகவியலாளர்களினால் யாழ். பிரதிப் பொலிஸ்மா அதிபரிடம் சுட்டிக்காட்டப்பட்டுள்ளது.

இதனையடுத்து, அனைத்துப் பொலிஸ் பிரிவில் உள்ள பெண்கள் பாடசாலை சுற்றுப் புறங்களில் பாடசாலை ஆரம்பிக்கும் மற்றும் முடிவடையும் நேரங்களில் பொலிஸ் ரோந்து நடவடிக்கைகளை மேற்கொள்ள நடவடிக்கை மேற்கொள்வதாகவும் இத்தகைய செயல்களில் ஈடுபடும் இளைஞர்கள் கைது செய்யப்படும் சந்தர்ப்பங்களில் நீதிமன்றத்தின் முன் நிறுத்தப்படுவார்கள் என்றும் யாழ். மாவட்டப் பிரதிப் பொலிஸ் மா அதிபர் தெரிவித்துள்ளார்.